BREAKING NEWS

යාපනය සරසවියේ සිංහල සිසුන්ට එල්ල කළ ප්‍රහාරය දැඩි පිළිකුලෙන් යුතුව හෙළා දකිනවා

යාපනය විශ්ව විද්‍යාලයේ විද්‍යා පීඨයේ පැවැති නවක සිසුන් පිලිගැනීමේ උත්සවයකදී අන්තවාදී සිසුන් සහ බාහිරින් පැමිණි පිරිස් සිංහල සිසුන්ට පහර දී ඇති බව වාර්තාවේ. එම සිදුවීම දැඩි පිළිකුලෙන් යුතුව හෙළා දකින්නෙමු.

වාර්තා වී ඇති ආකාරයට ඉහත උත්සවයේදී සිංහල සංස්කෘතිකාංගයක් ප්‍රදර්ශනය කිරීම මෙම අන්තවාදී ප්‍රචණ්ඩකාරී පහර දීමට හේතු වී ඇත. සිංහල අනන්‍යතාව සහිත සංස්කෘතිකාංග තම ප්‍රදේශය තුළ ප්‍රදර්ශනය නොකළ යුතු බවට තර්ජනය කරමින් ඉහත පහර දීම සිදුව තිබේ. මෙම අන්තවාදී සිසුන් සහ බාහිරින් පැමිණි පිරිස් සිංහල සිසුන්ට පමණක් නොව මෙහිදී නැටුම් ශිල්පීන්ට පවා පහර දී ඇත. පොලු සහ යතුරු පැදි ආරක්‍ෂිත හිස් වැසුම් යොදාගෙන සිදුකර ඇති මෙම පහර දීමෙන් බේරී ආරක්‍ෂිත ස්ථානයක රුඳී සිටි පිරිසට ගල්මුල් ප්‍රහාරයක් එල්ල කිරීමටද මෙම අන්තවාදීන් කටයුතු කර තිබේ. පහර දීමෙන් හා ගල්මුල් ප්‍රහාරයෙන් තුවාල ලැබූ සිසු පිරිස මේ වන විට රෝහල්ගතකර ඇති බවද වාර්තාවේ.

මෙවැනි බරපතල තත්වයක් යුද්ධය අවසන් වී ගෙවී ගිය කාලය පුරාම සිදුව නැත. 2015 ජනවාරි 08 වැනිදා පිහිටුවන ලද පාලනතන්ත්‍රය විසින් දිගින් දිගටම අන්තවාදීන්ට උඩගෙඩි ලබාදීම හේතුවෙන් උතුරේ දැඞ් අන්තවාදී ප්‍රවණතාවක් හට ගෙන තිබේ. පසුගිය නොවැම්බර් මාසයේදී යාපනය විශ්ව විද්‍යාලය තුළ ඊළාම් සිතියම පසුබිමේ තබා ගෙන ඊනියා මහ විරු දින සමරුම් පැවැත්වූයේද ඒ බව මනාව පෙන්නුම් කරමිනි. මෙම අන්තවාදීන් තුළ දැඩි සිංහල විරෝධී මානසිකත්වයක් හටගෙන ඇත. ඒ හේතුවෙන් යාපනය විශ්ව විද්‍යාලය තුළ සිටින සිංහල සිසුන් මෙම වෛරී සහගත ප්‍රහරයට ලක්ව තිබේ.

උතුරේ අන්තවාදයට ගෙවී ගිය වසර එකහමාර පුරා උඩගෙඩි දුන් මේ ආණ්ඩුව මෙවැනි පිළිකුල් සහගත ප්‍රහාරයක් එල්ල වීමට වගකිය යුතුය. එසේම උතුරේ මෙම ප්‍රවණතාවය වැළැක්වීමට වහා පියවර ගන්නා ලෙසද අපි ආණ්ඩුවට බලකර කියා සිටින්නෙමු. එමෙන්ම සිසුන්ට පහර දීමෙන් නොනැවතී සිංහල ජනතාවට උතුරට යාමට බැරි වාතාවරණයක් උද්ගත වන තැනට මෙම ගැටළුව වර්ධනය විය හැක.

විමල් වීරවංශ (පා.ම)
නායක,
ජාතික නිදහස් පෙරමුණ.
2016-07-17

About the Author
Wimal Weerawansa is widely regarded as an individual with great patriotism and strong principles

Leave a Reply

*