BREAKING NEWS

‘දෙමළ ජාතික සන්ධානයේ ජාතිවාදී අන්තවාදී කොන්දේසි 13ට සජිත් එකඟ වී ඇති බව ඉතා පැහැදිලියි’ යාපන විශ්වවිද්‍යාල මහා ශිෂ්‍ය සංගමයේ ප්‍රකාශය උපුටා දක්වමින් විමල් කියයි

‘දෙමළ ජාතික සන්ධානයේ ජාතිවාදී අන්තවාදී කොන්දේසි 13ට සජිත් එකඟ වී ඇති බව ඉතා පැහැදිලියි’
යාපන විශ්වවිද්‍යාල මහා ශිෂ්‍ය සංගමයේ ප්‍රකාශය උපුටා දක්වමින් විමල් කියයි

දෙමළ ජාතික සන්ධානය සහාය දෙන අපේක්‍ෂකයා ‘දෙමළ ජනතාවගේ කොන්දේසි 13’ ඉටු නොකළහොත් මාස 03කින් පාරට බසින බවට යාපන විශ්වවිද්‍යාල මහා ශිෂ්‍ය සංගමය සිදුකර ඇති ප්‍රකාශයෙන් ඉතා හොඳින් පෙනී යන්නේ සජිත් ප්‍රේමදාස මහතා ‘උතුරු නැගෙනහිර ඒකාබද්ධ කිරීම, ස්වයං පාලනයක් ලබාදීම, උතුරු නැගෙනහිර පළාත්වලින් සිංහල ජනතාව හා බෞද්ධ සිද්ධස්ථාන ඉවත් කිරීම ඇතු`ඵ ඉහත කී අන්තවාදී ජාතිවාදී කොන්දේසි 13ට එකඟවී ඇති බව යැයි ජානිපෙ නායක විමල් වීරවංශ පෙන්වා දෙයි.
අද (08) පොළොන්නරුවේදී පැවති විශේෂ මාධ්‍ය හමුවකට එක්වෙමින් ඒ මහතා මෙසේ පැවසීය.
එහිදී වැඩිදුරටත් අදහස් දැක්වූ වීරවංශ මහතා මෙසේද සඳහන් කලේය.
“ගෝඨාභය රාජපක්‍ෂයන්ට ඉදිරි ජනාධිපතිවරණයෙන් විශිෂ්ට ජයග්‍රහණයක් ලැබෙන තත්වයක් අපේ කඳවුර විසින් මේ වන විට උදා කරගෙන තිබෙනවා. ශ්‍රී ලංකා පොදුජන පෙරමුණ, ඒකාබද්ධ විපක්‍ෂයේ සෙසු පක්‍ෂ, ශ්‍රී ලංකා නිදහස් පක්‍ෂය, ආරුමුගම් තොණ්ඩමන් මහතාගේ ලංකා කම්කරු කොංග්‍රසය, ඒ. ඒල්. එම් අතාවුල්ලා මහතාගේ ජාතික කොංග්‍රසය හා ඩග්ලස් දේවානන්ද මහතාගේ ඊ.පී.ඩී.පී පක්‍ෂය යන දේශපාලන සන්ධානය විසින් ගෙනයන ක්‍රියාන්විතය විසින් මෙම තත්වය නිර්මාණයකර තිබෙනවා. විවිධ සමීක්‍ෂණ මගින් හා විවිධ තොරතුරු මගින් ගෝඨාභය රාජපක්‍ෂයන්ට විශිෂ්ට ජයග්‍රහණයක් ලැබෙන බව අපේ ප්‍රතිවාදී අපේක්‍ෂකයාට දැන ගැනීමට ලැබුණු විට ඔහු ඇතු`ඵ ඔහුගේ කඳවුර ඉතාමත් අසරණ වූ ප්‍රතික්‍රියාවන්ට තල්ලු වී තිබෙනවා.

‘16 වැනිදායින් පසු සජිත්ගේ ජනපති සිහිනයත් ඉවරයි’
සජිත් ප්‍රේමදාස මහත්තයා දන්නවා, නොවැම්බර් 16 වැනිදායින් පසු එයාගේ දැන් දකින ජනාධිපති සිහිනයත් ඉවර වන බව. ඒ නිසා තමයි කිසිදු ජනාධිපතිවරණ අපේක්‍ෂකයකු මෙතෙක් සිදු නොකරපු බොළඳ කටයුත්තක එයා නියැලුණේ. එහිදී ඔහු තමන් ජනාධිපති ධුරයට පත්වූවා කියලා හිතාගෙන ජාතික කොඩිය පිටුපස තියාගෙන ජාතිය ඇමතීමක් වැනි යමක් සිදු කළා. එය සම්ප්‍රදායට පටහැනි, නීතියට පටහැනි පහත්, බොළඳ ක්‍රියාවක් බව කිව යුතුයි. බලවත් හීනමානයකින් පෙළෙන තැනැත්තකුට තමයි මෙවැනි දෙයක් කළ හැක්කේ. මෙවැනි අසනීපයකින් පෙළන සජිත් ප්‍රේමදාස මහත්තයාට අපි අනුකම්පා කළ යුතුව තිබෙනවා.

‘හිස්බුල්ලාගේ මනාපය?’
අපේ ප්‍රතිවාදී කඳවුර දැන් ඉතා හොඳින් දන්නවා ගෝඨාභය රාජපක්‍ෂ මහතා විශිෂ්ට ජයග්‍රහණයක් ලබන බව. ඒ නිසා ඔවුන් ඒ ජයග්‍රහණය පලුදු කිරීම සඳහා දැනටමත් කුමන්ත්‍රණ ගණනාවක් සිදුකර තිබෙනවා. ජනතා සහාය නිසා අපට එවැනි කුමන්ත්‍රණ ජනතාව ඉදිරියේ තැබීමට හැකි වුණා. ඉන් එකක් තමයි, නැගෙනහිර හිටපු ආණ්ඩුකාර හිස්බුල්ලා සහ ගෝඨාභය රාජපක්‍ෂයන් අතර දුරකථන සංවාදයක් ඇති වූ බවත් එහිදී හිස්බුල්ලා ගෝඨාභය රාජපක්ෂයන්ගේ උපදෙස් මත කටයුතු කරන බවත් පෙන්වීම. ඒ දුරකථන සංවාදය සහිත රූපරාමු සඳහා හිස්බුල්ලාගේ හැඩරුව ඇති පුද්ගලයෙකු මිල දී ගෙන තිබුණා, එජාප ජනාධිපති අපේක්‍ෂක මෙහෙයුම් කාර්යාලයෙන් ඒ මඩ කොන්ත්‍රාත්තුව ලබා දුන් දැන්වීම් ප්‍රචාරක ආයතනවල නම් ගම් සහිතව මේ බව ජයන්ත සමරවීර මන්ත්‍රීතුමා හෙළිදරව් කොට තිබුණා.

මේ නින්දිත මඩ ප්‍රහාරය හෙළි වුවත් එහි දිගුවක් ලෙස මේ අය උත්සාහ කරනවා, හිස්බුල්ලාට හොඳට සලකලා, ‘දෙවැනි මනාපය ගෝඨාභය රාජපක්‍ෂට දෙන්න’ කියා ඔහුගේ කටින් කියවා ගැනීමට. මෙහිදී අපි ඉතා පැහැදිලිව කියනවා, ‘අපි සහරාන්ලාට කිරි පොවපු කිසිදු දේශපාලනඥයකුගෙන් කිසිවිටක, කිසිදු සහායක් ලබාගන්නේ නැහැ’ කියා. ඒ නිසා අපි ජනතාවගෙන් ඉල්ලා සිටිනවා, හිස්බුල්ලා හෝ වෙනත් සහරාන්ලාගේ අන්තවාදයට කිරි පෙවූ මුස්ලිම් දේශපාලනඥයකු යොදාගෙන ඔහු ලවා ගෝඨාභය රාජපක්‍ෂයන්ට දෙවන මනාපය හෝ ඡන්දය ලබා දෙන ලෙස කියන වීඩියෝපටයක් සංසරණය වුවහොත් ඊට නොරැවටෙන ලෙස.

‘ජාතිවාදී – බෙදුම්වාදී කොන්දේසි 13ට සජිත් එකඟ වෙලා’

අද පුවත්පත්වල වාර්තා වන අන්දමට යාපන විශ්ව විද්‍යාලයේ මහා ශිෂ්‍ය සංගමය පවසා තිබෙනවා, ‘දෙමළ ජාතික සන්ධානය සහයෝගය ලබාදෙන අපේක්‍ෂකයා කොන්දේසි 13 ඉටු නොකළහොත් මාස 03කින් ජනතාවත් සමඟ පාරට බහිනවා’ කියා. දෙමළ ජාතික සන්ධානය සහයෝගය දෙන අපේක්‍ෂකයා සජිත් ප්‍රේමදාසයි. දෙමළ ජනතාවගේ කොන්දේසි 13 කියා ඔවුන් පවසන්නේ ප්‍රභාකරන් යුද්ධ කරලා දිනාගන්න හදපු ඊළමට පාර කැපෙන කොන්දේසි ටිකක්. සජිත් ප්‍රේමදාසගේ ප්‍රතිපත්ති ප්‍රකාශනයේ ‘ඒකීය රාජ්‍ය සංකල්පය’ නැහැ. ප්‍රතිපත්ති ප්‍රකාශනයේ ඉංග්‍රීසි පිටපතෙහි ෆෙඩරල් පාලනයක් ගැනත් සඳහන්. ඒ වගේම සජිත් සිය ප්‍රතිපත්ති ප්‍රකාශනයේ කොතැනකවත් බුද්ධාගමට ප්‍රමුඛස්ථානය දෙන බව කියන්නේ නැහැ. මේ සියල්ල දෙස බැලූවිට පෙනී යන්නේ ඉහත කොන්දේසි 13ට සජිත් එකඟවී ඇති බව, දෙමළ ජාතික සන්ධානය විසින් යාපන විශ්ව විද්‍යාලයේ මහා ශිෂ්‍ය සංගමයට දැනුම් දී ඇති බවයි. ඒ නිසයි ඔවුන් මේ විදිහට ‘මාස තුනකින් අපේ කොන්දේසි ඉටු නොකළහොත් පාරට බහිනවා’ කියා කල් තියාම අවධාරණය කරන්නේ. දකුණේ ජනතාවට ඇහෙන්න දෙමළ ජාතික සන්ධානය සජිත්ට කොන්දේසි විරහිතව සහාය දෙනවා කිව්වාට, ඔවුන් උතුරේ ජනතාවට කියන්නේ තමන් සජිත්ට සහාය දෙන්නේ ඔහු තම කොන්දේසි 13ට එකඟ නිසා බවයි.

ඒ නිසා උතුර හා නැගෙනහිර ඒකාබද්ධ කිරීම, ස්වයං පාලනයක් ලබාදීම, උතුර නැගෙනහිර පළාත්වලින් බෞද්ධ සිද්ධස්ථාන හා සිංහල ජනතාව ඉවත් කිරීම ආදී ජාතිවාදී, අන්තවාදී කොන්දේසි 13කට සජිත් ප්‍රේමදාස එකඟ වී ඇති බව තමයි යාපන විශ්ව විද්‍යාලයේ මහා ශිෂ්‍ය සංගමය මේ සිදුකර ඇති ප්‍රකාශයෙන් පැහැදිලි වන්නේ. ඒ නිසා මේ රටේ ඒකීයභාවයට පක්ෂපාතී, බෙදුම්වාදයට, අන්තවාදයට විරුද්ධ සිංහල, දෙමළ, මුස්ලිම් සියලු ජනතාවගෙන් අපි ඉතා ඕනෑකමින් ඉල්ලා සිටිනවා ‘මේ රටේ ජාතික ආරක්‍ෂාව ඇතිව සාමකාමීව, සහජීවනයෙන් ජීවත්වීම සඳහා ගෝඨාභය රාජපක්‍ෂයන් දිනවන්න. ඒ වගේම තව සතියකින් ලැබෙන අන්ත පරාජයෙන් වියරු වැටී සිටින ප්‍රතිවාදී අපේක්‍ෂකයාගේ මඩ ප්‍රහාරයන්ට නොරැවටෙන්න’ කියා.”

මෙම මාධ්‍ය හමුවට පිවිතුරු හෙළ උරුමයේ නායක උදය ගම්මන්පිල මහතා ද එක්විය.

අනුරුද්ධ බණ්ඩාර රණවාරණ
මාධ්‍ය ලේකම්,
ජාතික නිදහස් පෙරමුණ
2019-11-08

About the Author
පාසැල් වියේ අධ්‍යාපනයට පමණක් නොව ක්‍රීඩාවට හා කලාවට එක සේ දස්කම් පෑ ඔහු කළුතර තිස්ස මහා විද්‍යාලයේ අතිශය දීප්තිමත් සිසුවෙකු විය. එහෙත් ඒ අවධියේ උද්ගතව තිබූ තත්වයන් නිසා ඒ සියල්ල අතහැර සමස්ත සමාජය ම මුහුණ පා සිටි මහා ඛේදවාචකයට එරෙහිව සටන් කරන්නර හේ තීරණය කළේය. වඩා වාසිදායක හා පහසු මං සෙවීම වෙනුවට කෙතරම් දුෂ්කර වුව ද, නිවැරදි මාවත තෝරාගැනීම සැමවිටම ඔහුගේ අභිප්‍රාය විය. ඔහු සැමවිට ම ක්‍රියා කළේ ඒ වෙනුවෙනි. හේ හදවතින් ම දේශප්‍රේමියෙක් වූවේය.
  1. Champa Reply

    අර පොහොට්ටුවේ කෙන්දරකාරයා රුක්ෂාන් දැන් කියනව දිනන්නේ සජිත් කියලා. මිනිහ කලින් කිව්වා නේද ගෝඨාභය කියල. දැන් නම් හොඳටම අනාගෙන තියෙන්නේ. ගෝඨාභය වටා ඉන්නේ මහා ලොකු උගත්තු වියත්තු කිව්වට අන්න පේනවා නේද අලි සබ්රි බොරු කියන්න ගිහින් නිකම් සවුත්තු වෙලා තියෙන හැටි. මම කියන්නේ අර passport එකේ තියෙන seal එක ගැන. ඒක බොරු seal එකක්. මම -අද- පත්තරේට comments දෙකක් දැම්ම. ඒව බලන්න. දැන් ඉතින් ගෝඨාභයව දිනවන්න මහින්දට ජාතිය අමතා කතා කරන්න වෙයි වගේ.

  2. Champa Reply

    Ooooops රුක්ෂාන් ජයසේකර ඉස්සර ඉඳලම කිව්වලු දිනන්නේ අවුරුද 48 සහ 54 අතරේ නායකයෙක් කියලා. 2016 තරම් ඈත කාලේ කිව්වලු. ඒ කිව්වේ දේවල් ගැලපෙන්නේ සජිත්ටලු. කවුද දන්නේ? කෝ අර මඩ ගොඩක් කියල කිව්වේ මේ සතිය මඩ සතියක් වෙයි කියල ඕගොල්ල කිව්වා අනාවැකිය වැරදිනේ. කෝ මඩ? අර පත්‍රිකාද? චැක් ඒ මොනවාද? ඒවා නිකම් කීයක් හරි දීල තමන්ටම කරගන්න පුළුවන් වදනේ.

  3. Champa Reply

    බයගුල්ල. ගෝඨාභයගෙන් පොරොන්දුවක් ගන්න බැරිවුනා ඇමරිකන් ගිවිසුම් අත්සන් කරන්නේ නැහැ කියල. ගෝඨාභය MCC එක අත්සන් කරනවා. අර දහසක් පොරොන්දු දෙන්නේ MCC එකේ ඇමරිකන් ඩොලර් මිලියන 480 බලාගෙන කියල ඕනේ බයියෙකුට තේරෙනවා.

Leave a Reply

*