ජන පැතුම් ඉටු කළ මහජන දිනයක්!

ජාතික නිදහස් ‍පෙරමුණේ නායක, කර්මාන්ත අමාත්‍ය විමල් වීරවංශ මහතාගේ බදාදා මහජන දිනය මහ මැතිවණයෙන් අනතුරුව අද (02) සුපුරුදු පරිදි 73/1, ගාලු පාර, කොළඹ 03 පිහිටි කර්මාන්ත අමාත්‍යාංශයේ දී පැවැත්විණි.

උතුරු – නැගෙනහිර පළාත් ඇතුළු දිවයිනේ සිව් දිගම නියෝජනය කරමින් විශාල ජනකායක් මෙම මහජන දිනයට පැමිණ සිටියේ තම ගැටලු අමාත්‍යවරයා වෙත ඉදිරිපත් කිරීමට ය. ඒ අතර වන්නි දිස්ත්‍රික්කය නියෝජනය කරමින් පැමිණි දමිළ ජනතාව ද වූහ. ඔවුහු සිය ඉඩම් ගැටලු, ජීවනෝපාය පිළිබඳ ගැටලු මෙහි දී අමාත්‍යවරයා වෙත ඉදිරිපත් කළහ. විමල් වීරවංශ මහතා ඔවුන් සුහදව පිළිගෙන ඒ පිරිස සමග දීර්ඝ සංවාදයක යෙදෙමින් ඉදිරිපත් කළ ගැටලු අදාළ බලධාරීන් වෙත යොමු කරවා බොහෝ ගැටලුවලට ක්ෂණිකව විසඳුම් ලබා දීමට කටයුතු කළේය.