Previous Story
පෙරදිග දේශපාලන විද්‍යායතනය විවෘත වෙයි!
Posted On 16 Jan 2023
Comment: 0
ආසියා ප්‍රගති සංසදයේ මූලිකත්වයෙන් ශ්‍රී ලංකාවේ චීන තානාපති කාර්යාලයේ අනුග්‍රහය යටතේ පෙරදිග දේශපාලන විද්‍යායතනය බොරැල්ල, ආචාර්ය එන්.එම්. පෙරේරා මාවතේ පිහිටි ශ්‍රී ලංකාවේ කොමියුනිස්ට් පක්ෂ කාර්යාල පරිශ්‍රයේ දී අද(16) විවෘත විය.
එම පෙරදිග දේශපාලන විද්‍යායතනය විවෘත කිරීම චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර අංශයේ නියෝජ්‍ය අමාත්‍ය චෙන් ෂෝ මහතාගේ ප්‍රධානත්වයෙන් සිදු විය.
මෙම අවස්ථාවට එක් වූ උත්තර ලංකා සභාගයේ සභාපති, ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා එම කර්තව්‍යයට උණුසුම් සුබ පැතුම් එක් කළේය.
ශ්‍රී ලංකාවේ චීන තානාපති කාර්යාලයේ නියෝජනය කරමින් එහි නියෝජ්‍ය තානාපති හූ වෙයි මහතා ද මෙම අවස්ථාවට සහභාගී විය.
මාධ්‍ය ඒකකය,
ජාතික නිදහස් පෙරමුණ,
2023-01-16
